Тыдзень бацькоўскай любові праходзіць у Баранавіцкім раёне
Урачыстае мерапрыемства, прымеркаванае да тыдня бацькоўскай любові, які аб'ядноўвае ў сабе два галоўныя дні – Дзень маці і Дзень бацькі, адбылося ў Мірнаўскім Доме культуры.
Шчырыя і добрыя словы віншавання маці і бацькам адрасаваў старшыня Баранавіцкага раённага Савета дэпутатаў Аляксей Ярэменка.
Ён падкрэсліў, што сям'я-залог устойлівай і магутнай дзяржавы, якая паважае сваіх грамадзян, якая клапоціцца аб іх дабрабыце. Гэта гарант росквіту і стабільнасці нашага грамадства і Беларусі ў цэлым.
