«Лепшыя тавары Рэспублікі Беларусь 2016».

У Беларусі вызначылі пераможцаў штогадовага конкурсу «Лепшыя тавары Рэспублікі Беларусь».

Лаўрэатамі конкурсу прызнаны 248 тавараў, якія выпускаюцца 139 арганізацыямі краіны, паведамляе прэс-служба Дзяржстандарта. З іх пяць тавараў, вырабленых у Баранавічах:

• дзверы стальныя вонкавыя і ўнутраныя аднастворкавыя ТДА «Промметизизделия» сталі лаўрэатам у намінацыі «Прамысловыя тавары для насельніцтва і вырабы народных промыслаў»
• сыр PARMEZAN 45% тлустасці Баранавіцкага малочнага камбіната стаў пераможцам у намінацыі "Харчовыя тавары", а таксама атрымаў статус «Навінка года";
• абалоніна пшанічная Баранавіцкага камбіната хлебапрадуктаў прызнана пераможцам у намінацыі "Харчовыя тавары";
• яйкі курыныя другой катэгорыі «Златка» Баранавіцкай птушкафабрыкі прызнаныя лепшымі ў намінацыі "Харчовыя тавары";
• тканіны баваўняныя і змешаныя для пасцельнай бялізны Баранавіцкага вытворчага баваўнянага аб'яднання сталі пераможцам у намінацыі «Прамысловыя тавары для насельніцтва і вырабы народных промыслаў», а таксама атрымалі ўзнагароду за стабільна высокую якасць;

Пераможцы конкурсу будуць узнагароджаны дыпломамі і атрымаюць права размяшчаць адпаведны лагатып на таварах і іх упакоўцы, а таксама выкарыстоўваць яго ў дакументацыі і рэкламных матэрыялах на працягу двух гадоў.

Конкурс "Лепшыя тавары Рэспублікі Беларусь» праводзіцца штогод, пачынаючы з 2002 года, па сумеснай ініцыятыве Дзяржстандарта, абласных выканаўчых камітэтаў і Мінгарвыканкама. Мэтамі гэтага конкурсу з'яўляюцца інфармаванне спажыўцоў аб якасных таварах, падтрымка беларускіх вытворцаў, якія выпускаюць канкурэнтаздольныя тавары, і іншыя.