Конкурс малюнка «Выбары вачыма дзяцей»

У Беларусі стартаваў конкурс малюнка»выбары вачыма дзяцей". У конкурсе могуць прыняць удзел усе жадаючыя ва ўзросце ад 6 да 18 гадоў.

Для ўдзелу ў конкурсе неабходна падрыхтаваць работы, выкананыя ў розных відах выяўленчага мастацтва (жывапіс, графіка, змяшаная тэхніка, калаж), любымі матэрыяламі, фармату А3 або А2 і поштай накіраваць іх да 6 лютага 2024 года ў Нацыянальны цэнтр мастацкай творчасці дзяцей і моладзі па адрасе: 220030, г.Мінск, вул. Кірава, 16.

Малюнак павінен быць прысвечаны тэме выбараў і накіраваны на падахвочванне грамадзян да ўдзелу ў выбарах, пашырэнне базавых ведаў аб выбарчым праве і працэдуры галасавання.

Пераможцаў і прызёраў конкурсу чакаюць дыпломы і каштоўныя падарункі. Арганізатарамі конкурсу выступілі Цэнтральная выбарчая камісія Беларусі, Міністэрства адукацыі, Нацыянальны цэнтр мастацкай творчасці дзяцей і моладзі.

Азнаёміцца падрабязней з парадкам удзелу ў конкурсе можна на сайце ЦВК Беларусі.